بلاش تعيد وتزيد
..........................
بلاش تعيد وتزيد السوالف الله يهديك .....
أنت طريقك صعب وأحلامك بعيدة والغرور أعماك
تعتب وأنت ماتدري خفوقي وش كثر من الحب معطيك
على كثر العطى حديت قلبي لفراق وجاك
أجيلك بشوق وتصد عني واعذرك وأجيك
صحيح سمعت بطاري الموت ولمحته فيك
لكن قلت بصبر والله يعني على بلواك
جيتك بحب عن كل القلوب العاشقه يغنيك
اصيح القلب مايغلى عليك وماتبي يفداك
عقب مانهد حيلك والهوى جابك على مغليك
بدا المشوار وللي باقي من عمري بدا وياك
لقيتك ضامي إحساس وقصايد قلت أجي وأسقيك
قلت أكسب فيك أجر ولا القصايد فيك وبلياك
تصور من كثر ماردد أسمك لاطرى طاريك أصوتلك على الطاري بلا وعي ولا أدراك
مشينا بالغلا لاخوف ولا تشكيك
وفجأة من ردى عقلك طعنت وغرتك دنياك
قسى قلبك وبعد ماتدري وين الله موديك
تبعتك لآخر الدرب الطويل وماقصرت خطاك
أحاول فيك أهدي فيك وأدري الله ماهديك
نصحتك وكتشفت أن الوفا بالذات مايعنيك
تلمحلي بالجفا مادري وش إللي بالجفا يغريك
عسى الله مايحدك لجفا يمي فلا يبلاك
تولى من الفراق ولاتفكر ترجع لماضيك
حرام أني ماجعلتك تصفق اليمنى على يسراك
أنا ماقول كلمة وأرجع أسحبها علشان
أرضيك
مادام رضاك بكسر كلامي لابلاش رضاك
ترى ماني صبي أهلك علشان أخضع وأبوس
إيديك
عسى تنتهي الدنيا لو أخضع لشرواك .
✍بقلمي فريال بجبوج
تعليقات
إرسال تعليق