يلي على عرش المحبة تعليت .......
كسر الخواطر بالمواصل جبري .......
لامرني ذكرى غرامك وسجيت .......
هاجس خيالي بالورق شب جمري .......
ياما على شانك من الأحباب رديت .......
وضيعت لعيونك من الحب عذري ......
ياما صرخت بعالي الصوت ماوحيت .....
ترجع صدى الونات وقول مادري ......
ماجيت أدور بالشعر شهرة وصيت .....
جيتك مشاعر ترجمت حلم عمري ......
كم ضاقت الدنيا بعيني وغنيت ......
جزل المعاني يوم ضيعت قدري ......
أكتبلك إحساس الغلا كل ماجيت .......
وفيض المدامع عانقك نزف حبري ......
أن ماكتبت الجرح بيت ورا بيت .......
والله برية من مضامين شعري .......
يالغايب يلي بعذابي تماديت .......
حتى غدى حالي من الحب مبري ......
كل ماذكرتك دمعت العين هليت .....
لو الأماني تحقق غيرك ماتمنيت وربي
أنا وفيت بعهد حبك وضحيت .....
وأنت ولاكنك عن الحال تدري .......
غرست رمحك بين الأضلاع واقفيت ....
وأنا على ذكراك سامرت جمري ........
صورت خيالك شامخة ماتنسيت ......
ترسم معالمها على جال قبري .....
مافادني ترددي ياعلي وياريت ......
أحس بنزف الجرح يجتاح صبري ......
حبك رثيته بالدمع وأبكيت .....
ناس على طاريك تحتار بامري ......
من كثر ماجيت بخيالي ومرتب .....
أشعلت نار البعد بأعماق صدري .
✍ بقلمي فريال بجبوج
تعليقات
إرسال تعليق